Jambyl Júk tasymaly bólimshesi Qazaqstan Respýblıkasynyń Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýyn temirjolshylar arasynda nasıhattap, túsindirýdi júıeli túrde júrgizip keledi. Jaqynda bólimsheniń konferens zalynda ótken kezekti is-sharaǵa QR BP QSjAEAJK Aımaqtyq kásiptik basqarmasynyń Jambyl kóliktik aımaǵy boıynsha prokýrory, kishi ádilet keńesshisi Janna Isakova qatysty.

Jıyndy júrgizgen «Qazaqstan Temirjoly» Júk tasymaly» AQ – «JT Jambyl bólimshesi» fılıaly dırektorynyń birinshi orynbasary Úmitbek Rysbekov aldymen Joldaýda salaǵa qatysty aıtylǵan máselelerdi taldap, túsindirdi. Kelesi kezekte sóz alǵan Janna Álimjanqyzy jyldyń Bas qujatynda quqyq qorǵaý salasy boıynsha aıtylǵan basymdyqtarǵa toqtala kele, óz sózinde:

– Qazaqstan Respýblıkasynyń Prezıdenti Qasym-Jomart Toqaev bıylǵy Joldaýynda birneshe jyldan beri sybaılas jemqorlyqpen júıeli kúres máselesi kún tártibinen túspegeni, sonymen qatar, ortalyq jáne jergilikti organdardyń normatıvtik-quqyqtyq aktileriniń jobalaryna sarapshylar men qoǵamnyń qatysýymen sybaılas jemqorlyqqa qarsy saraptamany qalpyna keltirý qajettiligin erekshe atap ótti.

Sybaılas jemqorlyq qylmysy bolǵan orynda birinshi basshysy zańnamalyq jáne normatıvtik turǵydan jaýapty bolýy kerek. Sondaı-aq sybaılas jemqorlyqqa qarsy organ qyzmetkerleriniń zańsyz jumys ádisteri men arandatýshylyq áreketteri baıqalǵan jaǵdaıda jumys ádisterin qatań baqylap, tergeý oryndarynan shettetken jón, – dedi.

Janna Isakova Qazaqstan Respýblıkasynyń Prezıdenti Qasym-Jomart Toqaev jarıalaǵan sybaılas jemqorlyqqa qarsy saıasatyn jetildirý boıynsha qabyldanǵan sharalar men sybaılas jemqorlyqqa qarsy baǵdarlamany quqyq salasynyń qyzmetkerleri, sonyń ishinde kólik prokýratýrasy tolyǵymen qoldaıtynyn da aıtty. Ol jaǵymdy ózgeristermen qatar, memlekettik organdar, sondaı-aq azamattar tarapynan bolatyn quqyqtyq nıgılızmniń kórinis tabýy alańdatýshylyq týǵyzatynyn da jetkizdi.

Basqosý barysynda temirjolshylar ózderin tolǵandyrǵan saýaldarǵa jan-jaqty jaýap aldy.